- 2018-03-13 04:01:33
- វិភាគ
បច្ចុប្បន្នកំពូលអ្នកប្រដាល់ ៤ រូបរបស់ខ្មែរនេះ កម្រឃើញប្រើកែងផ្ដួលដៃគូ
- 2018-03-13 04:01:33
- ចំនួនមតិ 0 | ចំនួនចែករំលែក 0
បច្ចុប្បន្នកំពូលអ្នកប្រដាល់ ៤ រូបរបស់ខ្មែរនេះ កម្រឃើញប្រើកែងផ្ដួលដៃគូ
ចន្លោះមិនឃើញ
អ្នកប្រដាល់គ្រប់រូបតែងមានក្បាច់របស់ខ្លួន អ្នកប្រដាល់ខ្លះចូលចិត្តប្រើកណ្ដាប់ដៃ ជង្គង់ ឬផ្លែកែង ទៅតាមជំនាញរបស់គេ។ ដោយឡែកអ្នកប្រដាល់ ៤ រូបនេះវិញតាំងពីចាប់ផ្ដើមប្រកួតរហូតមកដល់បច្ចុប្បន្ន ត្រូវបានគេមើលឃើញថា កម្រក្នុងការប្រើផ្លែកែង ឬផ្ដួលដៃគូដោយប្រើកែងរបស់គេ។
១-រឿង សោភ័ណ្ឌ ៖ អ្នកប្រដាល់កម្រិតកំពូលរបស់កម្ពុជារូបនេះត្រូវបានគេស្គាល់ថា មានភាពស្ទាត់ជំនាញក្នុងការប្រើកណ្ដាប់ដៃឆ្វេង ហើយជារឿយៗ ត្រូវបានគេឃើញថា ឧស្សាហ៏ផ្ដួលដៃគូដោយកណ្ដាប់ដៃរបស់គេ។ ជាមួយគ្នានោះចំពោះផ្លែកែងវិញ សោភ័ណ្ឌ កម្រប្រើណាស់ពិសេសសឹងតែមិនដែលផ្ដួលដៃគូដោយកែងនេះផង។
២-មឿន សុភា ៖ អ្នកប្រដាល់ទម្ងន់ធ្ងន់រូបនេះ មានភាពស្ទាត់ជំនាញក្នុងការទាត់ និងកណ្ដាប់ដៃ ពោរពេញដោយទម្ងន់ធ្ងន់ៗ។ សម្រាប់វិធីក្នុងការប្រើកែងកូនសិស្សលោក ធន សុភា រូបនេះមានការប្រើប្រាស់តិចតួចជារៀងរាល់ការប្រកួតរបស់គេ មានពេលខ្លះសឹងមិនប្រើផងក៏មាន។
៣- ឡុង សុភី ៖ អ្នកណាក៏ស្គាល់ដែរថា អ្នកប្រដាល់រូបនេះមានភាពស្ទាត់ជំនាញក្នុងការប្រើជង្គង់ និងមានការប្រើប្រាស់កណ្ដាប់ដៃបន្ទាប់បន្សំ។ បើនិយាយពីការប្រើប្រាស់កែងវិញ កម្រណាស់អ្នកប្រដាល់មានបទពិសោធជោកជាំលើសង្វៀនរូបនេះប្រើប្រាស់វា។
៤- ពេជ្រ សីហា ៖ គ្រប់គ្នាប្រហែលជាស្គាល់ហើយ រហ័សនាម ម៉ៃ ថៃសាន់ខ្មែរ ឬអ្នកប្រដាល់កណ្ដាប់ដៃថ្ម ។ ឈ្មោះនេះត្រូវបានគេដាក់ឲ្យនៅពេល ពេជ្រ សីហា មានភាពប៉ិនប្រសព្វក្នុងការប្រើកណ្ដាប់ដៃ និងមានភាពអត់ធន់កម្រិតខ្ពស់នៅពេលដៃគូវ៉ៃចំផ្ទៃមុខរបស់គេ។ រីឯការប្រើប្រាស់កែងវិញ សីហា ត្រូវបានគេមើលឃើញថា មានការប្រើប្រាស់មិនសូវសមប្រកប។ ប៉ុន្តែមួយរយៈចុងក្រោយនេះអ្នកប្រដាល់មកពីខេត្តតាកែវរូបនេះ បានព្យាយាមប្រើផ្លែកែងរបស់គេ ដោយប្ដូរពីការប្រើប្រាស់កណ្ដាប់ដៃសុទ្ធមកប្រើកែងគួបផ្សំ៕