- 2018-03-12 03:16:06
- វិភាគ
សុខ រិទ្ធ៖ បើចាញ់គឺត្រឹមពិន្ទុបានហើយ មិនអាចឲ្យសន្លប់ដាច់ខាត
- 2018-03-12 03:16:06
- ចំនួនមតិ 0 | ចំនួនចែករំលែក 0
សុខ រិទ្ធ៖ បើចាញ់គឺត្រឹមពិន្ទុបានហើយ មិនអាចឲ្យសន្លប់ដាច់ខាត
ចន្លោះមិនឃើញ
កីឡាករជើងខ្លាំងមកពីខេត្តបន្ទាយមានជ័យ សុខ រិទ្ធ បានប្តេជ្ញាមិនឲ្យសន្លប់ដាច់ខាតក្នុងអាជីពប្រដាល់របស់គេ ប៉ុន្តែប្រសិនបើវ៉ៃចាញ់ គឺត្រឹមចាញ់ពិន្ទុនោះទេ។
សុខ រិទ្ធ បានឲ្យដឹងថា សម្រាប់ការប្រកួតនៅថ្ងៃសុក្រកន្លងទៅនេះ គឺមិនសូវជាពិបាកទេ ព្រោះបានហ្វឹកហាត់ដិតដល់ គិតទៅប្រហែលជា១ខែ។ បើនិយាយពីសមត្ថភាពកីឡាករថៃ ដែលមកប្រកួតនៅកម្ពុជាបច្ចុប្បន្នមិនសូវជាខុសគ្នាប៉ុន្មាននៅឯប្រទេសថៃនោះទេ គឺប្រហាក់ប្រហែលគ្នា។
បងប្រុសរបស់ កាកា បន្តថា រូបគេបានតាំងចិត្តរឿងមួយគឺ រាល់ការប្រកួតមិនថានៅឯប្រទេសថៃ ឬកម្ពុជាត្រូវប្រកួតយ៉ាងមិនត្រូវចាញ់សន្លប់ឡើយ។ បើចាញ់ដោយសន្លប់គឺខ្មាសគេ។ ណាមួយមិនចង់ឲ្យគាំទ្រជាច្រើនមិនសប្បាយចិត្ត ព្រោះអ្នកគាំទ្រទុកចិត្តលើការប្រកួតរបស់ខ្លួន ដូច្នេះត្រូវតែខំប្រឹងប្រកួតឲ្យអស់ពីសមត្ថភាព ដើម្បីយកជ័យជម្នះ។
សុខ រិទ្ធ ជាបងប្រុសបង្កើតរបស់កីឡាករ កាកា ដែលអ្នកទាំងពីរជាកូនសិស្សរបស់លោកគ្រូ សាន់ សាយយ៉ាន់ មកពីខេត្តបន្ទាយមានជ័យ។ ប្រកួតចុងក្រោយរបស់គេផ្ដួលកីឡាករថៃឲ្យសន្លប់ក្នុងទឹកទី៣ ក្នុងជំនួបមិត្តភាពអន្តរជាតិរបស់សង្វៀនបាយ័នស្ទឹងមានជ័យកាលពីថ្ងៃសុក្រ៕
វីដេអូប្រកួត៖